حميدتي: نحنا اكتر ناس بتضحكوا فينا ولو ختيتونا بتلحقوا اليمن
الخرطوم: (متاريس)
وصف نائب رئيس مجلس السيادة محمد حمدان دقلو “حميدتي” تكوين لجان التحقيق بالفضيحة، “لانو مافي تحقيق خرج بنتيجة” حسب قوله.
ووجه حديثه لشمس الدين كباشي قائلا “عايزين محاكم ميدانية، ونحنا عملنا العلينا كل التحقيقات دي نحنا ساكنها بمافيها الاعتصام واي متهم مننا سلمناهو النائب العام”.
وتعهد حميدتي خلال احتفال توقيع وقف العدائيات بجنوب كردفان، بمحاسبة المتورطين أحداث خور الورل في الميدان لأنهم عساكر.
وأثناء حديثه عن ضرورة الاتفاق بين الأطراف والقبائل ومطالبته بأن “اي شخص يقبل بالمعاهو”، قاطعه أحد الحضور محتجا بأن حزب الأمة هو سبب الدمار. َ
ورد عليه حميدتي مدافعا عن والي ولاية جنوب كردفان حامد البشير مؤكدا “أنه لا يستاهل الكلام دا وكان دي طريقتكم يا أهل السودان البلد دي بتتفرتق”.
وتابع يقول “نحنا اكثر ناس بتضحكوا فينا وكان ختيتونا بتلحقوا اليمن، انتو شغالين قبيلتي وقبيلتك والناس شغالة بتفرتق فيكم وانتو ماجايبن خبر”.
ووجه حميدتي حديثه للشخص الذي قاطعه قائلا” اي زول يقول دي بلدي، والما عندو بلد يمشي وين؟ بعدين انت أرفض بصندوق الانتخابات وما تشيل وش القباحة”.
َواستطرد” يا ناس اتسامحوا عشان البلد تمشي قدام، والاتفاق دا لو ابيتوه حيجيب وصاية مرة تانية ودا الكلام الجاب لينا المشاكل”.
ومضى حميدتي يقول بغضب إن “بعض السياسيين بقولوا جبال النوبة للنوبة، ولو جابوا ليهو كل ناسوا الفي الولايات جبال النوبة مابتشيلهم”.
وأضاف بحسرة “الأرض دي ماحاتشيل منها شبر، دا عيب دي سياسة ياناس ولازم نعرف الجرح وين عشان نعالجوا”.