تحذير للمغترب العائد بسيارته من هذا الطريق
الرياض: (متاريس)
أطلق مواطن مقيم في الرياض تحذيرا للمغتربين العائدين بسياراتهم للبلاد من رداءة الطريق بعد بورتسودان.
وقال في منشور بإحدى مجموعات الفيسبوك – شاهده محرر (متاريس) – “أي مغترب نازل ومعاه سيارة ياريت عندما يصل بورتسودان يحاول يشوف سواق يوصله وخاصة المناطق البعيدة، أو يشوف زول من اهله يكون سواق وقاعد في السودان يجي يوصله”.
وبرر السبب كاتبا: “لانو يا اخوانا حصلت كتير من الحوادث والسبب معروف طبعا الشارع اتجاهين ومحفر، وانت بتفتكر زي شوارع السعودية وبتمشي بسرعة عالية والشارع مليان شاحنات كلها محملة بالصادر والوارد وده بيكون سبب رئيسي في مشاكل الطريق”.
وأضاف” كلامي ده عشان سلامتك فقط لانو الفقد فقد وطن وليس اسرة وخاصة الناس القعدوا سنين طويلة بيكونوا ماعارفين الحاصل في البلد والطريق”.